مناظرة بين القلم والسيف

يقول اللي نشر حبره على الطلح وعلى القرطاس وسموه اليراع الناس
فراشي ام الدواة وناقتي الاوراق ولحافي حديد ومسندي وافي

وابنشد كل من في راسه افهام ووحى واحساس وينصفني من المدباس
تحداني حديد السيف واطلب منكم انصافي بهرجٍ واضحٍ شافي

#يقول_السيف

‏‎تقدم صيقل الهندي وقال انه قوي الباس حما الكفار له دواس
انا لولا مقاضيبي فلا تنشاع الاوصافي شجاع وقرم ماخافي

هزمت الروم مع فارس وفتحت القدس بالنوماس وبسوس الحرب راحت ناس

وانا لولاي شفت المسلمين اليوم خفخافي وضوه دايمن طافي

#يقول_القلم

‏‎نعم ما ننكر افضالك ولكن منهو النبراس وراع العلم والنوماس
ومن غيري يسوق الناس منهج ربهم صافي بلا تعقيد واخلافي

وانا قبلك خلقني ربي امع اللوح يعني راس علي من الملا حراس
عزيز المرتقى محفوظ خطيت العلم خافي وغير الله ما اخافي

#يقول_السيف

‏‎تذكر عنتره شداد عبدن والعبيد خراس مليته بالمراجل كاس
وانا ثار العرب والسارق اليا شافني عافي يقول الله خلافي

ترى خشمك مسح بالقاع ثمن ينبري بقياس وانا مبري ولا محتاس
وانا شوفك واناظر للسما فرحان متعافي حمدت الله بوقافي

#يقول_القلم

‏‎انا بيد البخاري سنّه وبيد الامام قياس وجهدي بالبشر ما خاس
الى مديت واحتديت ردك حرفي النافي ثلاث سنين م تشافي

تنادمني ايادي البيض وايد الشاعر الحساس وانا الرسام والكراس
انا فخر الاكابر وانت لعبة كل متعافي لفابك للبلا لافي

#يقول_السيف

‏‎ترى مايعرف كتابك رسول الله ودينه ساس ولا جابك على المخماس

منونن بالحبر منته على طول الدهر تافي وانا للي ضما
صافي

ترى لي جملت اخوانن ومنهم هو شطير الفاس وهو هدام للارجاس
هدم اصنام سام وحام وان شافك علي جافي فلا ينفعك الاولافي

#يقول_القلم

‏‎تقول اللي تبي لكن سل الدكتور والدراس وقبله سيل ابن عباس
انا مصدر قرار الحكم بالقتال والهافي وانا حفاظ الاعرافي

حفظت السيرة وفقه ابن حنبل والنسب والساس و من حقبة مضر والياس
اقرر وانقض ودوني يضيع العلم والقافي ولا يصلح باتلافي

#يقول_السيف

‏‎اشوفك في يدين الطفل والحرمه مع الاخساس حشا مابك وصخ وادناس

وانا محدن يبي مسكي من اللي قلبه ارجافي يخو شاري وصرافي

تشادي لمعتي لمع البروق اليا رعد رجاس الى من تحيي اليبباس
كذلك تنثر الدم الذي بالجوف قذافي وانا اشرب بالاسرافي