قيامة خاطري ... ناصر حميد السراج

قامت قيامة خاطري
يابيات شعري خاطري
حطي على خشم العلا
يا عصبتي رصي الصفوف

ومن البلا ما جادلي
قالوا تفرصخ جادلي
واصل البلا مر وحلا
وا سعد عين ن ما تشوف

ما جيت ادافع عن دمي
من سم هرج ن عندمي
والله ولا عيني على
ماحرم الله من شفوف

اللي لكبدي لهوجا
كم خط قوطر له وجا
خايب فلا يقطع فلا
ويعود باحسان امعروف

خل عنك هذا وانتخي
وصل جوابي وانت اخي
للي جلى اثار الغلا
واعطيه وارجع لا تسوف

لو قال اصالح روف به
واعطه ثلاث حروف به
ذا ما خلا ود وولا
واحنا على الذكرى وقوف

يا الوصل والله لو الي
قدرة رجعت الاولي
لكن تلا صده بلا
قلب ن يطيح امع الحروف