البن والهيل ... للمبدعة دلال القحطاني

لاعاد به  خاطر و لا عاد به حيل
      غير  الدموع  بسكة  العمر  تجري

سرى بي الهاجس مع تالي الليل
      والخافي اودعته  على ضوجمري

راحت بنات  الفكر بوح و تعاليل
      حتى نسيت الوقت وانحل فجري

ياشايفين الصبح دمعي هماليل
      عطوني شروق الهنا دون  ماادري

اخفيت عنكم حالتي دون تعليل
   واخاف  يوجعني القدر طول عمري

ماكنت احسب اني على موقع السيل
      حتى غدربي وانكسر  فيه  ظهري

تهجم علي   أحزان  طيرٍ   أبابيل
        في معركه ميدانها  زود  صبري

يا زِل   حظٍ   لايعته    الغرابيل
         وياغبن عينٍ حلمها صار  حدري

مدري متى باسمع لحون ومواويل
ومدري متى باحضن من الورد عطري

ودي    تعود   ايامنا   والمداهيل
    ايام  كان  الحلم  يمشي على امري

كلٍ يطيع الشور من دون تأصيل
       حتى القمر من جفوته قل قدري

ياعبرتي صبي من البن  والهيل
      يمكن تروح هموميَ اللي بصدري

ماكل من يملك ملك نجمة سهيل
   وما كل من يعطي عطا دون يشري