أصوات ممتازة .... ناصر حميد السراج

على جدرانكم خطيت قبل اروح لي مكتوب
وقلت الله عسى يقراه منهو صار لي عازه

تعاندني قدم طالب وانا سايق قدم مطلوب
تقول ان البحر نحوي وانا لابد ابجتازه

تلج ذياب ملجومة بأسفل ضامري المعطوب
سرى عنها العشا والليل طرف والفجر مازه

أجر من الونين اصوات ممتازه وانا مغلوب
وقلت اغلب واجر من الونين اصوات ممتازه

تشوف المنهزم والفايز اشتاطوا وانا لي صوب
عليه اصرف دهر ماني بمهزومه وفوازه

هذاك ان الزمان اللي نبذر ثمرته ونتوب
وشيخي معتكف وابليس ملبوسه وعكازه

يقول له انت شيخ الناس تنجو لو تشيل ذنوب
وظل ابليس متمكن منه حتى نفذ كازه