فرق المسافة .... الشاعرة الريم

فرق المسافه في غيابك... تناديك

وبعض الأماكن تشتكي من غيابك

والصمت يجرح هيبتك لو يحاكيك

والبوح لحظة صمت تكسر عتابك 

شفت الدقايق كيف تعرف حراويك

والوقت لو عدّ الليالي .. بدى بك  

وبعض المعاني كيف جابت حكاويك

وشلون بعض حروف تنطق جوابك

ولو تلتفت للورد،  ضامي ويسقيك

والليل في ظلمة سواده ،، سرى بك

والصبح مع طلة نهاره..  يداريك 

خايف عليك الشمس تتعب جنابك

وغصن الربيع الّي توارى يغطيك

ومنغوش خاتم في يمينك زهى بك 

حتى الغياب أوقات ضايق ويدعيك

وعادي اذا بعض الأماكن تهابك