ذات الصواري ... المبدعة غيمة القحطاني (غيمة ود)

ما اقول باني شاعرة لين هالحين
     حتى  أصيغ من  القوافي شعاري
الورد لو هو يسعد القلب والعين
     سعادتي   بالنظم وقت  السهاري
شفتوا معالم دنيتي تستوي وين؟
      هذي أنا مابين  ماضي  و جاري
صحيح ماعمري ملكت الملايين
       لكن ملكت  من  العلالي قماري
أسقي حروفي ود  ويداخله لين
   لين ازرع الريحان و سط القفاري
الطيب  ما يخلف  وراه الرديين
    هذي   مبادي   يعتمدها    قراري
كم علة بالعمر  يقضى بها الدين
   يسلى بها صبري  على جال  ناري
لامن دخل بيت الفكر فالدواوين
      تلاطمته أمواج  ذات الصواري
يرخي حبالي حين ويشدها حين
  وانا  اطلبه تخفيف شدة حصاري
ياشهقة الخافق ببطن الشرايين
    ياقاف روحي غطني في  دثاري
هذي هي  الدنيا يغرك  بهاالزين
     أخاف من غدرة سباع ن ضواري
والخاتمة يامن مصيره لهالطين
صلوا  على  محمد  عداد  الذراري