يالقرم ... قصيدة في غاية الروعة للمبدع عواض الحربي أبو ماجد

ياالقرم خلك في زمانك  دريويش
 يشوفهاا ويحوفهاا  مانشدهاا.

 ماللعلوم الفايله غير تطنيش
مالك وصحة متنهاا من سندهاا.

 ﻻتقول هذا ويش وتقول ذي ويش
 وتيقظ الفتنه وهي في مهدهاا.

 ويطلع لها حافر وينبت لها ريش
 ويصير راسك بين فمها  ويدهاا.

وﻻتاخذك عزه وﻻياخذك طيش
بالاثم تظلم نااس واﻻ اتحسدها.

 واياك والخفه وكثر التفاتيش
 عوج الهروج اتتعب اللي طردها.

 وﻻتنزعج لاقالو الدفش والديش
 اصبح يحل حبالها ويعقدهاا.

 هذا زماان فيه هد الخفيفيش
ورويبضه قامت وحثت جهدها

 يالقرم خف من الشجاعه وبشويش
 ولاكل ذاهبتن تقف في نصدهاا.

 اﻻ مقام الوجه والعرض ﻻنيش
 ودينك وطيب عاادة تعتمدهاا

ومالك ليا صابك من الوقت تشويش
ترى العرب بالضيق ينقص عددها.

خمس المعاني لأجلها تموت وتعيش
وفيها شقى نفسك وفيها سعدها

ولغيرها يالقرم خلك دريويش
 يشوفهاا ويحوفهاا مانشدهاا.