يا ساعة ... للمبدعة غروب المساعيد

طوينا اشـــــــــــواق ملتاعه وطوّتنا بعد هيّه
طوينا الوقت يـــــــا ساعه وطوّانا على كيفه

صفاء الحُب يـــــــا ساعه صفاء البالِ والنيّه
فقدناهم وكـــــــــل ساعه حــوت لمّة مواليفه

فقدنا الطّيب بـــانــواعـــه فقدنا أجواءه الحيّه
علوّاه الــوقـــت يــــرجـــع بنا بالثّانيه نطيفه

دروب العُمرِ خــــــدّاعـــــه تلوّت بالمُنى ليّه
طمعنا بـــه وكـــم نطمع نعيش العُمرِ منعيفه

وقفنا اغـــــراب جوّاعه زول الرّوحه والجيّه
عيون القلبِ لـــــــو تدمع محد لايم لها ضيفه

يا ساعه مالنا بـــاعــــه تــســوم العُمر والدّيّه
فصول أربع وهــذا الوقت بها كالرّوح مخفيّه